GAI jarimalari necha kunda keladi?
Kamera yoki radar orqali GAI jarimasi necha kunda keladi?
Agar qoidabuzarlik sodir bo‘lgan kundan boshlab 17 kun ichida qaror chiqarilmasa, haydovchi javobgarlikka tortilmaydi. Ya’ni bu holatda jarima yuridik kuchga ega emas.
2025-yil 29-yanvardan kuchga kirgan tartibga ko‘ra, GAI (YPX) kamerasi yoki radari orqali aniqlangan qoidabuzarlik bo‘yicha jarima quyidagi muddatlarda rasmiylashtiriladi:
-
48 soat – kamera yoki radar ma’lumotlari YPX tizimiga uzatiladi
Реклама -
15 kun – jarimani rasmiylashtirish (qaror chiqarish) muddati
Shundan so‘ng, avtomobil egasiga xabarnoma yuboriladi — pochta, SMS, my.gov.uz, Road24 yoki boshqa platformalar orqali. Bunga yana 3 kun ajratilgan.
Umumiy hisobda: jarima haydovchiga 20 kun ichida yetib borishi kerak.
Prezident topshirig‘i: jarima 1 oy ichida chiqarilmasa, haq to‘lanmaydi
2025-yil 9-iyul kuni bo‘lib o‘tgan yig‘ilishda prezident ayrim YPX bo‘linmalari qoidabuzarlikdan 7–8 oy o‘tibgina jarima chiqarayotgani haqida tanqid bildirdi.
Prezidentning ta’kidlashicha, agar qaror bir oy ichida chiqarilmasa, haydovchi jarima to‘lamaydi. Bu, asosan, YPX inspektori joyida rasmiylashtirgan qoidabuzarliklarga taalluqli bo‘lishi mumkin.
Mazkur taklif hozircha qonuniy kuchga ega emas, lekin hukumat tomonidan ko‘rib chiqilishi kutilmoqda.
Jarimaga chegirma qanday ishlaydi?
Jarima haqidagi qarorni olganingizdan so‘ng uni 60 kun ichida to‘lashingiz mumkin. Ammo birinchi 30 kun ichida to‘lansa, chegirma taqdim etiladi:
-
50 foizlik chegirma — qaror chiqarilgan kundan boshlab 15 kun ichida to‘lansa
-
30 foizlik chegirma — 16–30-kunlar oralig‘ida to‘langan taqdirda
Muhim: chegirma muddati qoidabuzarlik sodir etilgan kundan emas, balki qaror chiqarilgan kundan boshlab hisoblanadi.
