UzAuto Motors narxlarni oshirishdan 15 kun oldin e’lon qilishi kerak
Yangi "Raobat to'g'risida" qonun UzAuto Motorsni narxlarni oshirish (yoki pasaytirish) haqida oldindan ma'lumot berishga majburlaydi.
“Raobat to’g’risida” qonunga ko’ra, bozorda ustun mavqega ega bo’lgan UzAuto Motors kompaniyasi endi avtomobillar narxlaridagi o’zgarishlar haqida kamida 15 kun oldin e’lon qilishi shart. Ushbu qonun 3-iyul kuni prezident tomonidan imzolangan va 2023-yil 3-oktyabrda kuchga kirgan.
Xo‘jalik yurituvchi subyekt va shaxslar guruhi ustun mavqega ega deb e’tirof etilgan paytdan e’tiboran tovarning monopol turiga nisbatan qo‘llaniladigan yangi narxlarni (tariflarni) joriy narxlar (tariflar) o‘zgartirilishidan kamida o‘n besh kun oldin e’lon qilishi shart. 15-modda. Tovarning monopol turiga nisbatan qo‘llaniladigan narxlarni (tariflarni) e’lon qilish
Shuning uchun ham byudjet avtomobillarining narxlari dastlab chevrolet.uz saytida paydo bo’ladi, va yangi narxlari bilan shartnomalar bir necha haftadan keyin ochiladi.
UzAuto Motors davlat iqtisodiy sub’ektlari reestriga kiritilgan bo’lib, tovar yoki moliyaviy bozorda ustun mavqega ega. Kompaniyaning engil avtomobillar segmentidagi boshlang’ich konfiguratsiyasidagi ustun mavqe’i monopoliya deb tan olingan.
Oxirgi marta narxlar oshishi haqida “Avtostrada” 1-dekabrda xabar bergan.
Shunda ma’lum bo’lganki, tez orada Cobalt va Damas uchun shartnomalar ochiladi. Bundan tashqari, Cobaltning 2024 yilgi rejalashtirilgan ishlab chiqarish hajmi uchun buyurtma berish mumkin bo’ladi. Shuning uchun eng mashhur o’zbek avto sanoati modelining narxlari 3 foizga oshirilgan.
Shartnoma faqat onlayn tuzilishi mumkin: Cobalt va Damas uchun shartnomalar taqdim etiladigan kuni avtosalonlar tizimdan uziladi.
Shartnomani onlayn rasmiylashtirish uchun xaridor elektron hukumat tizimida ro’yxatdan o’tishi kerak: https://id.egov.uz/
Ro’yxatdan o’tgandan so’ng, xaridor mobil ilova va UzAuto Savdo veb-sayti orqali shartnomani rasmiylashtirishi mumkin:
- Veb-sayt: https://savdo.uzavtosanoat.uz/
- Android va iOS uchun ilova.
Shuningdek, yaqin kelajakda Chevrolet Lacetti/Gentra savdosi qayta boshlanishi kutilmayapti: 20 yil davomida ishlab chiqarilgan afsonaviy model 2024-yil boshida ishlab chiqarishdan olinadi.
Shartnoma