O‘qituvchilarga imtiyozli avtokreditlar beriladi
Ta’lim sohasida ishlayotgan xodimlarga imtiyozli shartlar bilan mashina xarid qilish imkoniyati taqdim etiladi.
«O‘zavtosanoat» AJ rahbari Shavkat Umirzoqov o‘qituvchilar ham mashina sotib olishi mumkin bo‘lgan dastur ishlab chiqilganini ma’lum qildi. Bu haqda Togri.uz muxbiri xabar bermoqda.
30 avgust kuni UzAutor Market — birinchi innovatsion startap-platforma ochilish marosimida nutq so‘zlagan jamiyat rahbari tez orada o‘qituvchilar uchun imtiyozli shartlar bilan mashina xarid qilish imkoniyatini beruvchi dastur ishga tushishini ma’lum qildi.
O‘qituvchilar uchun mashina narxlaridan chegirma qilinadi
Togri.uz manbasi ma’lumotiga ko‘ra, Asakabank bilan hamkorlikda ishlab chiqilgan imtiyozli avtokredit shartlariga muvofiq, o‘qituvchilar avtomobil narxining 50 foizi miqdorida to‘lov qilib, yillik 5 foiz stavkadagi kreditni olishi mumkin.
Ta’kidlanishicha, avtokredit 2 yilga beriladi. Shuningdek, “O‘zavtosanoat“ tomonidan o‘qituvchilarga ayrim mashinalarni avtokredit orqali sotib olishda chegirmalar taqdim etiladi. Masalan, Trackerʼga 11,6 foiz (chegirma bilan 190 million so‘m bo‘ladi) narxidan o‘tib beriladi. Qolaversa, Malibuʼga 7,4 foizda chegirma berish nazarda tutilmoqda.
Loyihadagi ayrim mashinalar soni cheklangan
«O‘zavtosanoat»ning Infinbank bilan hamkorlikda ishlab chiqqan o‘qituvchilar uchun avtokredit loyihasiga ko‘ra, mashina narxining 25 foizini to‘lab, yillik 16 foizli avtokreditni 3 yilga rasmiylashtirish mumkin. Damas, Spark yo Nexia 3 taklif etilayotgan loyihada mashinalar soni chegaralangan.
Ma’lum qilinishicha, ushbu avtokreditlar maktabgacha ta’lim, oliy ta’lim muassasalari xodimlariga ham tatbiq etilishi mumkin.
Ayni paytda avtokredit loyihalari rasman e’lon qilinmadi.
Калла жойидами уктувчи 50%катан олади далюаепми булар
50% to‘lovga mablag‘im bo‘lganida avtobozordan kreditsiz mashina mingan bo‘lardim, bu ustimizdan kulish emasmi. Imtiyoz deb kimni aldayabmiz o‘zi. O‘qituvchilarning aksariyat qismi uchun chiroyli va qimmatbaho mashina ORZU!!! Spark emas lasetti xohlasak nima qilamiz Sharafli kasbimizdan bitta matohni deb hech qachon voz kechmaymiz albatta, lekin bizdayam orzu havas bor. Nonimiz halol, rizqimizni Olloh bersin! O‘sha mashina ishlab chiqadiganlarni o‘qitamiz Ollohga shukr!