Cobalt Shartnomalar Bugun Ochiladi. Gentra/Lacetti sotuvga chiqarilmaydi

Bugun UzAuto Motors, Chevrolet Cobalt, Damas va Labo avtomobillarining 2024-yil ishlab chiqarish uchun onlayn kontraktatsiya jarayonini ochdi. Avtosalonlardagi savdo to‘xtatilgan va mijozlar faqat onlayn tarzda shartnoma tuzishlari mumkin. Kompaniya mijozlardan hushyor bo‘lishni va shaxsiy ma’lumotlarini ehtiyot qilishni so‘raydi, chunki avtomobil xaridi faqat rasmiy UzAutoSavdo ilovasi yoki veb-sayti orqali amalga oshirilishi mumkin.

UzAuto Motors kompaniyasi bugun e’lon qilgan yangilikka ko’ra, 2024-yilda ishlab chiqarilishi rejalashtirilgan Chevrolet Cobalt, Damas va Labo avtomobillari uchun onlayn shartnoma tuzish jarayoni ochilgani ma’lum qilindi. Bu qadam, avtomobil sotib olish jarayonini yanada qulay va tezlashtirish maqsadida amalga oshirilgan.

Endi, mijozlar avtomobil xaridini faqat onlayn tarzda amalga oshirishlari mumkin, chunki barcha Chevrolet dilerlik markazlari savdo tizimidan o’chirilib, avtosalonlar yopiq bo’ladi. Shartnomalarni rasmiylashtirish UzAutoSavdo ilovasi (iOS/Android) va savdo.uzavtosanoat.uz sayti orqali amalga oshirilishi mumkin, bu esa xaridorlarga ko’proq qulaylik va xavfsizlik ta’minlaydi.

Kompaniya shuningdek, mijozlaridan asossiz “ajiotaj” chiqarmaslikni va Chevrolet dilerlik markazlariga murojaat qilmaslikni so’raydi. UzAuto Motors mijozlardan hushyor bo’lishni va shaxsiy ma’lumotlarini ehtiyot qilishni tavsiya etadi, chunki shartnoma tuzish jarayoni faqat rasmiy kanallar orqali amalga oshiriladi.

Bu tashabbus, mijozlarga zamonaviy va qulay xarid tajribasini taqdim etish maqsadida ishlab chiqilgan bo’lib, UzAuto Motors ushbu yangi onlayn shartnoma tizimi orqali mijozlar ehtiyojlarini yanada yaxshi qondirishga intilmoqda.

Avtomobilni onlayn xarid qilish uchun mijozlar quyidagilarni amalga oshirishlari lozim:

1. OneID tizimida ro‘yxatdan o‘tish;

2.  “UzAutoSavdo” mobil ilovasini yuklab olish ((iOS/Android), savdo.uzavtosanoat.uz saytiga kirish;

3. OneID tizimidagi login va parol yordamida saytga kirish/ilovada ro‘yxatdan o‘tish;

4. Avtomobil modeli, rangi va komplektatsiyasi hamda ma’qul kelgan dilerlik markazini tanlagan holda, shartnoma tuzish kerak bo‘ladi.

One ID tizimida ro‘yxatdan o’tish tartibi

UzAutoSavdo ilovasida ro‘yxatdan o‘tish va shartnoma olish tartibi

savdo.uzavtosanoat.uz sayti orqali Chevrolet avtomobillari uchun onlayn shartnoma olish tartibi