Avtomobilni rasmiylashtirish narxi oshdi

O‘zbekistonda rasmiy e’lon berilmasdan, davlat raqam belgisini olish uchun to‘lanadigan davlat boji miqdori oshirildi. Endilikda avtomobilni ro‘yxatdan o‘tkazish narxi davlat raqami uchun boj stavkasi oshgani hisobiga qimmatlashdi. Avval raqamlar uchun 3,5 BHM to‘lash kerak bo‘lgan bo‘lsa, endi bu miqdor 5,5 BHMni tashkil etadi.

Haydovchilar boj oshganidan faqat avtomobilni rasmiylashtirish jarayonida xabar topishmoqda: hech qanday tushuntirishlarsiz yangi summa ko‘rsatilgan billing (invoice) taqdim etilmoqda.

Endi ishlatilgan avtomobilni davlat raqam belgisini almashtirmasdan rasmiylashtirib bo’lmaydi: avtomobilni hisobga qo’yish uchun oshirilgan bojni to’lashdan tashqari, raqamlarni ham almashtirishga to’g’ri keladi:

Avtomobilni YHXda rasmiylashtirish uchun texnik pasport berish, avtomobilni hisobga qo’yish va raqam belgilarini olish uchun to’lov amalga oshiriladi. Bundan tashqari, agar Payme/Click orqali to’lov kvitansiyasini olish imkoni bo’lmasa, YHX kassasida to’lovlarni qabul qilish uchun qo’shimcha komissiya olinadi.