UzAuto Motors yana rekord darajadagi foydani qo‘lga kiritdi
2024-yilning uchinchi choragida UzAuto Motors 2,75 trillion so‘m sof foyda oldi — bu 2023-yilning shu davriga nisbatan 42 foizga ko‘p. Bu taxminan 213 million AQSh dollariga teng.
Milliy avtomobil ishlab chiqaruvchi 2024-yil III-choragi uchun moliyaviy hisobotini e’lon qildi.
UzAuto Motors davlat monopolisti nafaqat avtomobillarini oylar davomida kutishga majbur qiladi, balki choraklik hisobotlarni ham yarim yil kechiktirib chiqaradi.Qimmatli qog‘ozlar bozorida axborotlarni e’lon qilish qoidalariga ko‘ra, emitent har bir chorakdan keyingi oyning oxirigacha moliyaviy hisobotni e’lon qilishi shart. Biroq, bu safar bu talab bajarilmadi: choraklik hisobot 2025-yil 4-may kuni korporativ axborot portalida paydo bo‘ldi.
2024-yilning uchinchi choragida UzAuto Motors 2,75 trillion so‘m sof foyda oldi — bu 2023-yilning shu davriga nisbatan 42 foizga ko‘p. Bu qariyb 213 million AQSh dollariga teng.
2024-yil sentabr oyi oxiriga kelib kompaniya yig‘ib qo‘ygan taqsimlanmagan sof foyda hajmi 8,84 trillion so‘mni tashkil etdi, bu esa amaldagi kurs bo‘yicha qariyb 685 million dollarga teng.
UzAuto Motors Q3 2024 asosiy moliyaviy ko‘rsatkichlari
- Sof tushum: 40,6 trillion so‘m (+6,5% o‘sish)
- Yalpi foyda: 7,06 trillion so‘m (+38,5% o‘sish)
- Soliqdan oldingi foyda: 3,47 trillion so‘m
- Operatsion xarajatlar: 3,79 trillion so‘m (+23,4% o‘sish)
- Sof foyda: 2,75 trillion so‘m (+42,2% o‘sish)
- Taqsimlanmagan foyda: 8,84 trillion so‘m (695 million AQSh dollari)
Bunday kam o‘sish ishlab chiqarish hajmining past sur’atlarda o‘sishi va avtomobillarning dollardagi narxi bir necha yildirki o‘zgarmayotgani bilan izohlanadi.
Shunga qaramay, boshqaruv xarajatlari (unda yuqori lavozimdagi xodimlarning maoshlari ham bor) deyarli uch baravarga oshib, 1,25 trillion so‘mga yetdi — bu taxminan 97 million dollarga teng. Taqqoslash uchun: 2023-yilda bu ko‘rsatkich 432 milliard so‘m edi.
