O‘zbekiston haydovchilari uchun jarima ballari tizimi: 12 ball to‘plagan haydovchi olti oyga huquqsiz qoladi
O‘zbekistonda haydovchilar uchun jarima ballari tizimi 1-iyundan rasmiy ravishda ishga tushadi. Bu haqda 6-may kuni qabul qilingan Vazirlar Mahkamasining 296-sonli qarorida aytilgan.
1-iyundan boshlab O‘zbekistonda yo‘l harakati qoidalarini buzgan haydovchilar uchun jarima ballari tizimi ishga tushadi. Har bir qoidabuzarlik uchun ma’lum miqdorda ball beriladi, 12 ball to‘plagan haydovchi esa olti oy muddatga haydovchilik huquqidan mahrum qilinadi. Jarima ballari faqat yo‘l-patrul xizmati inspektorlari tomonidan joyida tuzilgan bayonnomalarga asoslanadi va E-jarimaball tizimi orqali avtomatik ravishda hisoblanadi.
Yuqori xavfli buzilishlar orasida tezlikni oshirish, qizil chiroqda harakatlanish, qarama-qarshi yo‘lga chiqish va avariya holati yaratish kabi holatlar kiradi. Barcha jarima ballari bilan to‘liq jadval quyida keltirilgan.
Jarima ballari faqat YHXB xodimlari tomonidan joyida tuzilgan bayonnomalarga asoslanib hisoblanadi. Ballar avtomatik ravishda E-jarimaball maxsus tizimi orqali hisoblanadi. Ushbu tizim Raqamli texnologiyalar vazirligi bilan hamkorlikda 1-iyunga qadar ishga tushirilishi rejalashtirilgan.
Jarima ballari haqidagi ma’lumotlar E-jarimaball tizimi, maxsus mobil ilova va YPIYU platformasida mavjud bo‘ladi. Har bir jarima balli uchun haydovchilarga SMS-xabarnoma yuboriladi.
1-iyunga qadar haydovchilik huquqidan mahrum qilingan shaxslarning elektron ma’lumotlar bazasi yaratiladi. Haydovchi 12 ball to‘plagan taqdirda, sud qaroriga ko‘ra, uning haydovchilik huquqi olti oygacha bekor qilinishi mumkin.
Agar haydovchi olti oy davomida qoida buzmasa, ballar bekor qilinadi:
Ichki ishlar vazirligiga haydovchilarni foto va video qayd qilish tizimi orqali shaxsini aniqlash imkoniyati yaratilgandan so‘ng umumiy jarima ballari tizimini joriy etish bo‘yicha takliflarni hukumatga kiritish topshirildi.
