Статья доступна на русском языке.
Chevrolet Cobaltni chegirmali narxda avtokreditga olish arzonlashdi: yillik foiz 22% dan 19,5% gacha tushirildi. Style MCM bu kreditda ham naqdga olgandagidek 146 100 000 soʻm turadi.
Eng kam boshlangʻich toʻlov 25%, yaʼni 36 525 000 soʻm, muddat ikki yildan besh yilgacha. Uch yilga olinsa, oylik toʻlov 4 044 338 soʻm boʻladi.
Foiz 22% boʻlganida oylik toʻlov 4 184 719 soʻm edi. Uch yilda xaridor bankka 5 mln soʻm kam toʻlaydi.
Cobaltni chegirmali narxda kreditga berish avgustda boshlangan. Boshqa imtiyozli avtokreditlarda Cobalt chegirmasiz, 156 100 000 soʻmga sotiladi.
Cobalt avtokrediti 19,5%: boshlangʻich va oylik toʻlov jadvali
| Chevrolet Cobalt Style MCM, chegirma bilan 146 100 000 soʻm Yillik 19,5%, oylik toʻlov |
||||
|---|---|---|---|---|
| Boshlangʻich toʻlov | 24 oy | 36 oy | 48 oy | 60 oy |
| 25% 36 525 000 |
5 550 179 | 4 044 338 | 3 305 286 | 2 872 667 |
| 30% 43 830 000 |
5 180 167 | 3 774 715 | 3 084 934 | 2 681 156 |
| 40% 58 440 000 |
4 440 144 | 3 235 470 | 2 644 229 | 2 298 134 |
Cobalt kreditga aslida qanchaga tushadi
Boshlangʻich toʻlov 25% boʻlib, kredit uch yilga olinsa, xaridor bankka jami 145 584 555 soʻm qaytaradi. Shundan 36 009 555 soʻmi foiz.
Uch yillik sugʻurta 1 849 078 soʻm turadi va boshlangʻich toʻlov bilan birga toʻlanadi. Mashina olinadigan kuni 38 374 078 soʻm kerak boʻladi.
Boshlangʻich toʻlov va sugʻurta bilan birga Cobalt Style MCM 183 958 633 soʻmga tushadi.
Kapitalbankda uch yillik kredit foizi 12,5%, lekin Cobalt chegirmasiz sotiladi. U yerda Style MCM boshlangʻich toʻlov va sugʻurta bilan 183 221 988 soʻmga tushadi.
Chevrolet Cobalt sotuvi 2026-yilda
Cobalt sotuvi 2026-yilning toʻqqiz oyida oʻtgan yilning shu davriga nisbatan 27,4% ga kamaydi.
Noyabr boshida banklar Cobalt uchun foizsiz muddatli toʻlovda boshlangʻich toʻlovni tushirdi: Kapitalbank 25% gacha, Asakabank va InfinBANK 30% gacha.
-
-
-
-
-
-
