Yangi Cobalt 2025: Sotuvlar yaqinda, narxlar va shartnomalar haqida nimalar ma’lum?
Bir necha oy avval UzAuto Motors direktori o’z intervyusida Chevrolet Cobalt uchun yangilanish bo’lishini rasman va’da bergandi. O’sha paytda zavod yangilangan komplektatsiyaning tizerini ham e’lon qilgan edi:
Aftidan, zavod yaqin vaqt ichida sotuvlarni boshlashga faol tayyorgarlik ko’rmoqda. Raqamlarga e’tibor qaratadigan bo’lsak, yanvar-sentyabr oylarida xaridorlar 90 mingdan ortiq Chevrolet Cobalt avtomobilini qabul qilib oldi. Agar eksportni ham hisobga olsak, 9 oy davomida loyihaviy quvvati 150 ming bo’lgan zavodda 100 mingdan ortiq avtomobil ishlab chiqarilgan.
Bu shuni anglatadiki, zavod yaqin haftalarda avvalgi shartnomalar bo‘yicha avtomobillarni yetkazib berishni yakunlaydi. Natijada, ishlab chiqarish quvvatlari to‘xtab qolmasligi uchun Yangi Cobalt 2025 uchun shartnomalar ochilishi kerak bo’ladi.
Eng muhimi, biz yangi Cobalt Narxi haqida avtomobillar avtosalonlarga yetib kelishidan ancha oldin xabar topamiz – qonunchilikka ko’ra, zavod narx o’zgarishi haqida sotuvlar boshlanishidan 15 kun oldin e’lon qilishga majbur.
Eslatib o’tamiz, Cobalt narxlari oxirgi marta 2024-yilda o’zgargan edi: o’shanda qora diskalar va antixromga ega bo’lgan yangi Midnight komplektatsiyasi qo’shilgan edi. Bu galgi yangilanish esa ancha jiddiyroq – avtomobilga yangi dvigatel, multimedia va charm salon o’rnatilgan.
Yangi Cobalt Narxi 2025 qanday bo’ladi? Autostrada’ning taxmini
Rasmiy narxlar hali e’lon qilinmagan bo’lsa-da, kiritilgan o’zgarishlarni hisobga olib, biz quyidagi narxlarni taxmin qilmoqdamiz:
UzAuto Motors Yangi Cobalt 2025 uchun shartnomalarni yil oxirigacha ochishi kutilmoqda. Sotuvga charm salon, MyLink magnitolasi, kruiz-kontrol va yangi dvigatel kabi opsiyalarga ega bo’lgan Cobalt 2025 versiyasi chiqadi. Rasmiy narxlar esa sotuv boshlanishidan 15 kun oldin e’lon qilinadi.
Cobalt 2025 uchun shartnomalar qachon ochiladi?
