Chevrolet Tracker va Onix uchun foizsiz muddatli to‘lov yakunlanmoqda
So‘nggi bir necha oy ichida UzAuto Motors kompaniyasining yangi modellari – Chevrolet Tracker va Onixni foizsiz muddatli to‘lov asosida xarid qilish mumkin bo‘ldi.
Autostrada’ga ma’lum bo‘lishicha, bu qulay to‘lov shakli tez orada to‘xtatiladi. Aksiya dastlab 30-aprelgacha amal qilishi belgilangan edi, biroq keyinchalik may oyi oxirigacha uzaytirildi.
Agar muddat yana uzaytirilmasa, Chevrolet Tracker va Onixni muddatli to‘lovga olishning so‘nggi kuni 31-may bo‘ladi.
Eslatma: Ushbu ma’lumotni rasmiy manbalardan tezkor ravishda tasdiqlash yoki rad etishning imkoni bo‘lmadi. Biroq, agar siz Chevrolet Tracker yoki Onix avtomobilini foizsiz muddatli to‘lov asosida xarid qilishni rejalashtirayotgan bo‘lsangiz, shartnoma tuzishni bugun yoki ertaga amalga oshirishingiz tavsiya etiladi. Chunki aksiya muddati rasman yakunlangan bo‘lishi mumkin.
Foizsiz to‘lov — kreditdan foydaliroqmi?
Shuni alohida ta’kidlash kerakki, foizsiz muddatli to‘lov avtomobil to‘liq narxda sotib olinayotgan bo‘lsa-da, u ko‘plab hollarda avtokreditga qaraganda foydaliroq hisoblanadi.
Biroq bu faqat kreditni muddatidan oldin to‘lamaslik sharti bilan to‘g‘ri keladi. Agar kredit 12 oy ichida to‘liq yopilsa, unda avtokredit yanada foydali bo‘ladi. Ammo kredit bir yil ichida yopilmasa, foydadan ko‘ra ko‘proq ortiqcha to‘lov yuzaga keladi.
UzAuto Motors’dan Chevrolet Onix va Tracker uchun foizsiz to‘lov shartlari
Asosiy talab – mijozda yaxshi kredit tarixining mavjudligi va boshqa kreditlar bo‘yicha kechikkan qarzdorlik bo‘lmasligidir.
Rassrochkani doimiy yoki vaqtinchalik ro‘yxatdan o‘tgan hududingizdagi rasmiy dilerlik markazida rasmiylashtirish mumkin.Muddatli to‘lov rasmiylashtirishda avtokredit sug‘urta talab qilinadi. Shuningdek, avtomobilga sotuvga zapret qo‘yish taqiqi qo‘yiladi.
Foizsiz muddatli to‘lov shartlari:
- Oldindan to‘lov – kamida 50%
- To‘lov muddati – 30 oygacha
- Avtomobil to‘liq narxda sotiladi, chegirmalarsiz
- 4,5 mln so‘mlik kredit va moliyaviy risk sug‘urtasi majburiy
Tracker va Onix avtomobillari nalichida mavjud
Nashr e’lon qilingan paytda UzAuto Savdo platformasida quyidagi miqdorda avtomobillar mavjud:
- Chevrolet Tracker: 4 516 dona
- Chevrolet Onix: 8 161 dona
Chevrolet Tracker narxlari (rassrochkada)
| pozitsiya | Narx (so‘m) |
|---|---|
| TRK LS | 218 286 880 |
| TRK LTZ | 239 813 280 |
| TRK PREMIER | 264 843 040 |
| TRK LS PLUS | 220 951 360 |
| TRK LTZ PLUS | 244 108 480 |
| TRK PREMIER PLUS | 272 656 160 |
| TRK PREMIER PLUS (klimat-kontrolsiz) | 270 696 160 |
| TRK REDLINE | 282 474 080 |
Avtomobil Euro-5 katalizatori bilan jihozlangan bo‘lsa, narxga 3 136 000 so‘m qo‘shiladi.
Misol: TRK PREMIER PLUS uchun hisob-kitob:
- To‘liq narx: 272 656 160 so‘m
- 50% oldindan to‘lov: 136 328 080 so‘m
- Qolgan summa: 136 328 080 so‘m
- 30 oylik to‘lov: 4 544 269 so‘m / oyiga
Chevrolet Onix narxlari (rassrochkada)
| pozitsiya | Narx (so‘m) |
|---|---|
| LS MT | 176 900 000 |
| 1LT MT | 180 761 000 |
| 3LT MT | 184 750 000 |
| LTZ Turbo AT | 199 899 840 |
| Premier 1 Turbo AT | 211 994 720 |
| Premier 2 Turbo AT | 219 580 480 |
| Premier 2 Turbo AT PLUS | 221 640 160 |
| Premier 2 Turbo AT PLUS (wo C68) | 219 692 480 |
| TURBO AT REDLINE | 230 624 800 |
Misol: Onix Premier 2 Turbo AT PLUS uchun hisob-kitob:
- To‘liq narx: 221 640 160 so‘m
- 50% oldindan to‘lov: 110 820 080 so‘m
- 30 oylik to‘lov: 3 694 003 so‘m / oyiga
-
-
-
-
-
-
