BYD Chazor UzPride: narx pasaydi, jihozlar saqlanib qoldi
| Model | Narxi |
|---|---|
| Chazor Champion 55KM Luxe | 288 100 000 so’m |
| Chazor UzPride 55KM Luxe | 255 900 000 so’m |
| Narxdagi farq | 32 200 000 so’m |
Nomi o’zgargan bo’lsa-da, 55KM Luxe komplektatsiyasining jihozlari kamaytirilmagan. Sotuvda ikkita versiya qoldi: UzPride 55KM Luxe va Champion 120KM Flagship.
Ikkala versiyada ham quyidagilar bor: HD sifatli 360 darajali kameralar, haydovchi o’rindig’ining elektr sozlanishi, kalitsiz kirish, NFC kalit-karta, masofadan ishga tushirish, shuningdek yon ko’zgularning elektr buklanishi va isishi.
Luxe va Flagship: farqi nimada
Flagship versiyasining asosiy afzalliklari: kattaroq batareya, kuchliroq elektromotor, elektron haydovchi yordamchilari, old o’rindiqlar isitkichi va 17 kVt quvvatlik zaryadlash porti.
Luxe bilan Flagship o’rtasidagi narx farqi taxminan 60 million so’mni tashkil qiladi. Bu qo’shimcha pulning katta qismi xavfsizlik tizimlari va elektrda yura oladigan masofa uchun to’lanadi.
| Jihoz | UzPride 55KM Luxe | Champion 120KM Flagship |
|---|---|---|
| Kruiz-nazorat | Oddiy | Moslashuvchan |
| Yo’l chizig’ida ushlab turish | Yo’q | Bor |
| Yo’l chizig’idan chiqib ketish haqida ogohlantirish | Yo’q | Bor |
| Avtomatik favqulodda tormozlash | Yo’q | Bor |
| Piyodalar va yo’l belgilarini aniqlash | Yo’q | Bor |
| Ko’r nuqtalarni nazorat qilish | Yo’q | Bor |
| Orqadan kelayotgan ko’ndalang harakat haqida ogohlantirish | Yo’q | Bor |
| HD 360° panoramali kameralar | Bor | Bor |
| Haydovchi o’rindig’i | 6 yo’nalishda elektr sozlanadi | 6 yo’nalishda elektr sozlanadi, isitkichi bor |
| Old yo’lovchi o’rindig’i | 4 yo’nalishda qo’lda sozlanadi | 4 yo’nalishda elektr sozlanadi, isitkichi bor |
| Yon ko’zgularning elektr buklanishi va isishi | Bor | Bor |
| Kalitsiz kirish, NFC kalit-karta va masofadan ishga tushirish | Bor | Bor |
| Markaziy ekran | 12,8 dyuym | 12,8 dyuym |
| 4G, Wi-Fi, Bluetooth va OTA yangilanish | Bor | Bor |
| Dinamiklar soni | 6 ta | 8 ta |
| Iqlim tizimi | Bir zonali | Ikki zonali |
| Orqa o’rindiqlar uchun havo kanallari | Bor | Bor |
| Telefon uchun simsiz zaryadlagich | Yo’q | Bor |
| Type 2 kabeli | Bor | Bor |
| Tashqi qurilmalarni quvvatlash uchun V2L funksiyasi | Yo’q | Bor |
| Ko’chma V2L zaryadlash stansiyasi | Yo’q | Bor |
| Zaryadlash portlari quvvati | 3,3 kVt | 3,3 va 17 kVt |
Texnik xususiyatlari
UzPride 55KM Luxe va Champion 120KM Flagship bir xil kuzovga va 1,5 litrli benzin dvigateliga ega. Asosiy farq elektromotor, batareya sig’imi va elektrda yura oladigan masofada.
| Xususiyat | UzPride 55KM Luxe | Champion 120KM Flagship |
|---|---|---|
| O’lchamlari | 4780 × 1837 × 1495 mm | 4780 × 1837 × 1495 mm |
| G’ildiraklar bazasi | 2718 mm | 2718 mm |
| Oldingi/orqa g’ildirak izlari | 1580/1590 mm | 1580/1590 mm |
| Eng kichik burilish radiusi | 5,5 m | 5,5 m |
| Yoqilg’i baki | 48 litr | 48 litr |
| Shina o’lchami | 225/60 R16 | 215/55 R17 |
| Benzin dvigateli hajmi | 1,5 litr | 1,5 litr |
| Benzin dvigateli quvvati | 81 kVt, 6000 ayl./daq. | 81 kVt, 6000 ayl./daq. |
| Benzin dvigateli momenti | 135 N·m, 4500 ayl./daq. | 135 N·m, 4500 ayl./daq. |
| Elektromotor quvvati | 132 kVt | 145 kVt |
| Elektromotor momenti | 316 N·m | 325 N·m |
| Batareya sig’imi | 8,3 kVt·soat | 18,3 kVt·soat |
| Elektrda yurish masofasi (WLTC) | 46 km | 101 km |
| Elektrda yurish masofasi (NEDC) | 55 km | 120 km |
| 0 dan 100 km/soatgacha tezlanish | 7,9 soniya | 7,3 soniya |
| Batareya quvvati tugagandagi sarf (WLTC) | 3,8 l/100 km | 3,8 l/100 km |
BYD Chazor’ni kreditga olish
Chazor UzPride 55KM Luxe’ni kamida 25 foiz boshlang’ich to’lov bilan avtokreditga olsa bo’ladi. Kredit muddati 36 yoki 60 oy, yillik stavka esa 11,9 foizdan boshlanadi.
Boshlang’ich to’lov 50 foiz va muddat besh yil bo’lsa, oylik to’lov taxminan 2,84 million so’mni tashkil qiladi. Boshlang’ich to’lov 25 foiz bo’lsa, oyiga taxminan 4,66 million so’m to’lash kerak bo’ladi. Sug’urta xarajati bu summalarga kiritilmagan.
-
-
-
-
-
-
